სასწავლო პროექტი

„მოვიარე საქართველო“

პროექტის მთავარი იდეა: საქართველოს ყველა კუთხის კულტურისა და წეს–ჩვეულებების გაცნობა.

პროექტის აქტუალობა: ამ პროექტის აქტუალობა მდებარეობს იმაში რომ, მოსწავლეებში გაღრმავდება პარტრიოტული სულისკვეთება, განუვითარდებათ ინფორმაციის ძიების უნარი და გაუჩნდებათ სურვილი საქართველოს უკეთ გაცნობისა.

პროექტის მიზნები: პროექტის მიზანია საქართველოს ყველა კუთხის კულტურის, წეს–ჩვეულებებისა და ღირშესანიშნაობების სიღრმისეული შესწავლა.

მოსწავლეთა ასაკი: 15–16 წელი.

ვადები ხანგრძლივობა: 4 კვირა.

მოსალოდნელი შედეგები/პროდუქტები, რაც შეიძლება შეიქმნას: შევქმნით კედლის გაზეთს რომელშიაც გამოვაქვეყნებთ საქართველოს ყველა კუთხის ამსახველ ფოტო მასალას.

• მოვაწყობ ექსკურსიას საქართველოს ერთ–ერთ კუთხეში.
• ჩავატარებ ღონისძიებას „არის ასეთი ქვეყანა მას საქართველო ჰქვია“

პროექტისათვის საჭირო ძირითადი რესურსები:

ინტერნეტი, ციფრული კამერა, ფურცლები, მარკერები, მუსიკალური ისტრუმენტები, ხმის გამაძლიერებლები.

პროექტის მსვლელობა (ძირითადი აქტივობები):

აქტივობა I დრო–1 კვირა.

მოსწავლეებს გავაცნობ პროექტის მიზანს, ინდივიდუალურად მივცემ მათ დავალებას მოიძიონ თითო კუთხის შესახებ ამომწურავი ინფორმაცია.

აქტივობა II- მოძიებული ინფორმაციის შეჯამება და პრეზენტაცია. დრო–2 დღე.

აქტივობა III – ექსკურსია საქართველოს ერთ–ერთ კუთხეში. დრო–3 დღე.

აქტივობა IV - კედლის გაზეთის გამოშვება „მოვიარე საქართველო“ დრო–3 დღე.

აქტივობაV-ღონისძიება: “არის ასეთი ქვეყანა მას საქართველო ჰქვია’’დრო–10 დღე. სადაც წარმოდგენილი იქნება საქართველოს ყველა კუთხისათვის დამახასიათებელი ცეკვები და სიმღერები.

აქტივობა VI-პროექტის შეფასება–1 დღე.

საგნებთან/საგნობრივ ჯგუფებთან/ეროვნულ სასწავლო გეგმასთან კავშირი.

ქ.X.5.მოსწავლე იცნობს და იყენებს სადისკუსიო სტრატეგიებს.

შედეგი თვალსაჩინოა, როცა მოსწავლე:

• სადისკუსიო თემის ირგვლივ ქმნის და მოიძიებს ვიზუალურ მასალას.
• ადგენს მარტივ გეგმას მოსაზრებათა წარმოსადგენად.

საზ. მეც.V-VI. 22. ახასიათებს საქართველოს მოსახლეობის კულტურათა მსგავსება–განსხვავებების გამოვლინებებს და განიხილავს შესაბამის მიზეზებს.

შედეგი მიღწეულია თუ მოსწავლე:

• კულტურული მრავალფეროვნების ნიშნით ერთმანეთთან ადარებს საქართველოს ისტორიული მხარეებისთვის დამახასიათებელ წეს–ჩვეულებებს.

საზ.მეც.V-VI.11. აკავშირებს საქართველოს გეოგრაფიულ ობიექტებს დასახლებების ტიპებთან.

შედეგი მიღწეულია თუ მოსწავლე:

• ფოტო სურათის ან რუკის გამოყენებით აღწერს სხვადასხვა ტერიტორიისათვის დამახასიათებელ პეიზაჟს (მაგ, მთები, ტყეები და სხვა).

პროექტის ხელმძღვანელი: ნატო მჟავია.

ხელმძღვანელის ელ.ფოსტა: natomjavia@gmail.com